كثير من الأزواج يجهلون بعض الحركات والخدع التي قد تساعدهم في زيادة الحب والوئام بينهم ، وربما تخرجهم من بعض المواقف أو الخلافات البسيطة. هذي طريقها جربتها أنا وأحد الأصدقاء على زوجاتنا والحقيقة أنها ناجحة جداً وجابت نتائج كبيرة ، وممكن يطبقها الزوج مع زوجته أو الزوجة مع زوجها. الموضوع بإختصار هو أنك مثلاً تريد أن تشتري لزوجتك هدية ، فبدلاً من أن تشتري هدية واحدة ، تستطيع أن تشتري أربع هدايا أو أكثر في مشوار واحد وتطلب من المحل “يستحسن يكون مشهور” تطلب منه أربع أكياس زيادة وتأخذها معك ، ضع الأكياس والهدايا في سيارتك حتى لا تشوفها زوجتك وخذ لها هدية وحده في كيس ، الأن عطيتها هدية وباقي عندك ثلاث هدايا وثلاث أكياس في سيارتك أو في مكتبك اللي تبي ، كل فترة أو كل اسبوعين أو ثلاثة ، خذ وحده من الهدايا وحطها في كيس وعطها زوجتك ، طبعاً راح تعتقد هي إنك كلفت نفسك مشوار لشراء الهدية ، بيمنا في الواقع أنت مجهز أكثر من هدية معك.
الطريقة هذي مميزة لعدة أسباب ، أولاً بتوفر عليك فلوس وهدايا ، بدل ما تشتري هدية غالية بـ 1000 ريال ممكن تشتري أربع هدايا بـ 250 للوحده والهدية في قيمتها المعنوية وليست المادية. وثانياً راح تنقذك من بعض المواقف أو إذا كنت مسوي شي غلط ، دائماً راح يكون عندك هدية للإنقاذ. ثالثاً كلنا مشغولين وكلنا ننسى لكن مع هذي الطريقة راح تهدي كثير وتتقرب من زوجتك كثير بأشياء بسيطة لكن مفعولها كبير. اللي مو متزوج أو ما تعود يهدي لزوجته ، الموضوع هذا أكيد ما يصلح له.
Loading ...
9 تعليقات على: فكرة ذكية للحياة الزوجية
السلام عليكم :)
مساء الخير أخي سعد ، حبيت أشكرك على هذه الطريقة الجميلة فعلاً ، لكن ماحبيت كلمة “تلعب” على زوجتك :(
ياليت لو بدلتها بكلمة “فكرة ذكية للحياة الزوجية”
مجرد رأي فقط ، بارك الله فيك أخي العزيز
وأنا من المتابعين لهذه المدونة الخلابة :)
مع السلامة.
هلا أخوي يزيد العنوان المقصود فيه الطرافة واللعب المشروع على الزوجة.
لكن فعلاً العنوان اللي اخترته أنت أفضل ، تم تغيير العنوان كما اقترحت. لا تحرمنا من إطلالتك المميزة دائماً.
أو ما تعود يهدي لزوجته ، الموضوع هذا أكيد ما يصلح له.
واللي ما تعود ممكن يتعود ..
والله فكرة حلوة حتى مو مع الزوجات والازواج ..
حتى لو عندك اطفال .. ممكن تجمع مجموعة هدايا بسيطة ووقت انك تحب تهديه يكون عنددك شي احتياط..
برضو لو كان يكون عندك شي احتياط لاي مناسبة او احد تبي تهديه شي بسيط بتكون فكرة حلوة
أعجبتني جدا :)
طيب ومن لايهديها زوجها واذا فكر أن يهديها اعطاها مبلغ وقال لها اشتري اللي في بالك واذا اصرت عليه أن يشتري هو الهدية قال(ذوقي لايقارن بذوقك ما تشوفيني دائماً اتكل عليك في اي هدية باهديها لأحد)للآسف هذا زوجي وعندما اقول أي شئ منك يعجبني)يطلب مني أن اذهب معه لنتشاور وفي الأخير اتفاجأ انه سحب نفسه من الموضوع وأنا من اختار،أحياناُ اقول هذا خطأي لأني عودته أن اشتري كل مستلزماته بنفسي وكل اثاث المنزل اختياري،المضحك حتى في المطعم يدعني أنا اختار له الأطباق التي سيأكل منها،فعلاً هذا الموضوع يؤرقني ولا أعلم ماذا أفعل مع زوجي العزيز،خاصة أن ذكرى زواجنا اقتربت ويلمح من آلان أن يعطيني مبلغ الهدية وأنا أرفض بشدة
وإذا كانت الهدايا في السيارة والدنيا صيف والشمس حارة والهدايا ممكن تخترب من الشمس؟؟
واللي ماعنده مكان يحط فيه الهدايا بدون ما زوجته تشوفهم؟؟
هههه أمزح ..
بس صراحة .. فكرة ممتازة :D
عسى المعزبه ما تمر على المدونه وتقرا الموضوع وتبداء تفسر كل هديه على انك مسوي غلط … وتترك الهديه وتنشغل في التفكير في المصيبه اللي سويتها قبل لا تجيب الهديه …
:)
وعموما اخوي سعد … ترى الهديه تلين القلوب وتجدد المشاعر لكلا الطرفين … ولكن وقعها على الزوجه أكبر ..
ويسلم لي مود الرومنسيه
ههههههههههه الله يهديك ياسعد ماتقول الموضوع خاص بالرجال ام العيال قرة الموضوع وخربة علينا الشغله و سارت قديمه
مشكووووور وعلى العموم هديه بصيطه لزوجه (عمودالبيت) تقوي الرابط الاسري ***مع تمنياتي للجميع بحياه سعيده***
خخخخخخخ
اي والله كلامك صحيح
الله يسعدك قل آمين ،،
يوجد فئه من الرجال لا تعترف بهذا المنطق..
وماذا عسانا ان نفعل معهم صبرا جميل والله المستعان