كأي شخص عادي مشترك في خدمة الدي اس ال تواجهني أحياناً مشاكل في الإتصال من إنقطاعات وبطء في الخدمة ، أنا مشترك في أحد شركات الدي اس السعودية ، واجهتني مشكلة إنقطاع أكثر من مرة في اليوم ، وكنت أتصل بهاتف الدعم الفني للشركة وأنتظر ربع ساعة أو أكثر ثم يفصل الخط ، من شدة الغضب الذي كنت فيه من الشركة اتصلت أكثر من مرة لعل الخط يمسك وألقى أحد أكلمة ، وبيني وبينكم جهزت سب وشتم للموظف علشان أقوله أول ما يرد علي حتى أشعر بقليل من الرضى على الأقل واحس إني سويت شيء. واللي زاد الطين بله هاتفهم لا يقبل الإتصال إلا من هاتف ثابت ، والهاتف الثابت اللي عندي ما فيه “سبيكر” يعني لازم امسك السماعة عند إذني حتى يرد أحد. انتظرت 22 دقيقة وأنا “مولع” من الغضب والطفش إنتظر الموظف يرد ابشتمه بصراحة مع إني أعرف إنه ماله علاقة لكني ما كنت أفكر صح في ذلك الوقت ، المهم بعد 22 دقيقة رد على أحد من الشركة لم يكن موظف بل كانت موظفة ، الصراحة تخربطت أوراقي وبنفس الوقت ارتاحت أعصابي شوي ، كل الغضب اللي قلت لكم قبل شوي مدري وين راح لكني مازلت معصب شوي ، بس وش اسوي صعب تتكلم وترفع صوتك على وحده حتى لو كنت على حق ، وتبون الصراحة إنها ما تفهم شي بالنت ، فقط عندها كم معلومة ترددها عليك وعندها الجهاز تبحث فيه بعد ما تعطيها رقم هاتفك وتقرأ عليك الخطأ اللي يطلع قدامها.
هل هي حركة مقصودة من الشركات لتقليل الشكاوي من العملاء ومشاكلهم؟ ، ولجذب عملاء جدد يريدون فقط الحديث من الجنس الناعم في مجمتع ذكوري ، قد يكون إعتقادي صحيح بالقياس على أن الشركات العالمية تستغل جسد المرأة دائماً في جذب عملاء لشراء منتجاتهم ، ولأن استغلال الجسد هنا في السعودية ممنوع ، فالشركات تستغل صوت النساء لتحريك غرائزنا.
Loading ...
11 تعليق على: إستغلال الأصوات الناعمة!
ههههههههه
قديمة..
ارمكو مسويتها من 10 سنوات ..
اسئل موظفي ارامكو القديمين..
والله لو ما عندي اختبار شان كتبت لك قصة ارمكو ..
:)
مالت على هذي الشركة سمعتها زي الزفت ..
تقريبا لي ستة أشهر فيه مشكلة في النت ولم يكن من هذه الشركة الغبية أي رد سوى :: اتصل على الفني وانتظر .
ما اتوقع انه هدفهم الأساسي هو جذب العملاء …..امكن توفير فرص للنساء ….ههههههههههههههههههههههه
لو اني منك اقولها .. ماعندك رجال أكلمه :)
بتحسبك جاي تخطب هههه
اهم شئ انك ارتحت ياباشا :)
اذكر مره اعلان في الجريده … يقولون مطلوب فتاة سعوديه للعمل مسوقه عن طريق التلفون .. ومن الشروط كاتبين .. أن يكون لديها اسلوب لجذب واقناع الزبائن …
طيب الاقناع بالتلفون وفهمناه .. بس الجذب بالتلفون وشلون؟ يعني تكلمه وهي حاطه كحل ولابسه عدسات؟
وين حقوق المرأه عن هالسوالف؟ :)
للأسف ما قلته هو واقعنا المؤلم للأسف
أتمنى لك التوفيق
اهلين سعد
لكن لا يهمك الصوت الحلو و المبحوح :)
اهم شي انك سكرت السماعه و النفس مرتاحه
بس تدري عاد
تحصل كل الموظفين من الجنس الرجالي هم من الجنسية اللبنانية
و الموظفات سعوديات
تصبح على خير ياباشا
وها هي استطاعت ذلك :)
سبحان اللــــه !!!
لماذا الرجال دائما ينقادون وراء النساء , لا اخص بذلك اخي سعد , ولكن الاغلبية من الرجال كذلك فلماذا ينقادون او بشكل افضل يتأثرون بذلك , فليس من المفروض لنا كرجال ان نتاثر , لا ادعوا بذلك التصلب ضد المرأة ” لا ” فهذا ليس من التوسط …
ولكن
لله في خلقه شؤون
خخخخخخخخ
فكرة غبية لكن ناجحة
أخي الكريم وبكل صراحة انا عانيت
من نفس شعورك والمشكلة ان الموظف نفسه لو سمعته صح من صوته والله ثم والله كانه نعسان مايبي يشتغل
والمشكلة يقولك على التلفون جميع الموظفين مشغولين في خدمة عميل اخر وتقعد نص ساعة على التلفون وتلاقي الموظف يا يشرب قهوة
ولا يتكلم بالجوال بارد اعصابه
وياخي ياكثر الكلمة هذي
يحفظوها شكلهم كل يوم
الحين بسويله ريستور ويضبط