مكتبة جرير والنصب على الناس
جميعنا يعلم ان وزارة التجارة لادور لها في ضبط الأسعار وأكبر دليل موجة الغلاء التي اجتاحت البلاد بعضها له سبب وبعضها بدون سبب ، بعضها زيادة معقولة وبعضها زيادة مهولة والسبب بكل بساطة “لارقيب ولا حسيب”. وزارة التجارة تقوم بعملها على أكمل وجه عندما يتعلق الأمر بتجديد ترخيص مؤسسة أو تجديد اشتراك الغرفة التجارية (قيمة الإشتراك 300 ريال) أو غرامة هنا أو هناك ، بمعنى انها حريصة على تحصيل حقها من المؤسسات والشركات ولكنها غير حريصة في متابعة التجار والحرص على مصلحة الناس.
اخر عمليات النصب تأتي من صرح كبير وهو مكتبة جرير والتي يعرف عنها ان اسعارها أعلى من السوق قليلاً خصوصاً في مجال الإلكترونيات من أجهزة محمولة وغيرة. حيث قامت مكتبة جرير بطرح اعلان في الشوراع يعرض جهاز محمول بقيمة 1199 ريال أو أقل لم اعد اذكر السعر ، المهم أن أحد الأصدقاء توجة للمكتبة بنفس اليوم الذي نزل فيه الإعلان في الشوارع إن لم لم يكن بعد ساعات من نزوله ، وعندما سألهم عن الجهاز الذي في الإعلان قولوا بأن العرض قد نفذ!.
هل يعقل ان الجهاز نفذ خلال ساعات ، كم كان عدد الأجهزة المخصصة لهذا العرض واحد أم إثنان!. الغريب أن الإعلان مازال مستمر في الشوارع وربما يبقى لفترة أطول.
حقيقة لا اعرف ما هو النظام المتبع في مثل هذه العروض وماذا تطلب وزارة التجارة من الجهات التي تقدم عروض حتى تحافظ على حقوق الناس. ولكن اليس من المفروض ان يكون عدد الأجهزة المشمولة في العرض يتناسب مع فترة الإعلان أو على الأقل يتم تحديد عدد الأجهزة التي يشملها العرض.
أبريل 16, 2008 في الساعة 2:02 ص
فعلا فيه مكاتب كثيره تنزل عروض ولكن هالعروض تكون قديمه او ان فيها مشاااكل بسيطه ..
وانا احد منسوبى المكاتب واعلم بالي يدوور بين المكتبات ..
وزي ماقلت لكم العروض تاتيكم على الاجهزه التي تكون بها اعطال بسيطه وتتصلح ..
وبالتوفيق ياااارب
دمتم برعااية الرحمن
http://www.zmn1.com/vb
أبريل 22, 2008 في الساعة 7:29 ص
والله يااخواان اللي يقهرني ان الشركة اذا صار لها اسم وبدأت تشتهر تبدأ تسلك طريق معاكس تماماً ..
انا صراحة ماتعاملت مع جرير ولا اقول شيء مو زين عنها ..
بس حبيت اجيب مثال لشركة ثانية لنفس الموضوع تقريبا لقصة صارتلي انا خصيصا
يعني مثلا انا اخذت خدمة من موقع ترايدنت “مشهور بالنت ولهم مقر بالشرقية” وصراحة ماخذت الخدمة هذي الا بعد مادورت بالنت ولقيت انهم مشهورين وعندهم منتدى كبير يختص بمشاكل الاستضافات و فيه زوار قلت اكيد اني بلقى ضالتي عندهم دام انهم اهل الاختصاص لاني على حسب اللي توقعته ناس مخلصين و صادقين وشركة رسمية ولها سمعة
يعني بالبداية قبل الشهرة تلقى الشركة تبذل كل جهدها لإرضاء الزبون وتحاول تعطيه الخدمة اللي يطمح بها وحتى تحاول تعطيه سعر اقل من السوق ان كان في امكانية علشان ترضيه بأي طريقة ممكنة
ولكن بعد ان يمّن الله بها وتصير مشهورة وكبيرة يبدأ شغل النصب و الاحتيال بالظهور ..يعني بدل ماتشكر الله قال تعالى ” ولئن شكرتم لأزيدنكم ” بدل ذلك تلقاهم يبدأون اسلوب تجاري بحت واسلوب شفط للنقود بغض النظر عن الخدمة
يعني هم يقولون انه في زباين كثار جايين جايين لانهم صارو مشهورين فمو مشكلة اذا راح واحد او اثنين أو حتى 10
ويبدأون يغلووون الاسعار بشكل عجيب واذا جاهم الزبون يقلهم راعونا شوي ترا اسعاركم نار تلقى الرد بايخ “اذا تبي تاخذ من عندنا بذا السعر حياك ..اذا ماعجبك حنا مو جابرينك ومو شرط تاخذ من عندنا !” يعني رد ولا شفت ابيخ منه ..
وبعد تفكير “على بالي ان ردهم يدل على الثقة و الخدمة المميزة فمايخالف خلني اخذ من عندهم ” ولو اني مقهور من ردهم البايخ بس تنازلت لاني احسب ان خدمتهم زينة وهذا هو المطلوب
لا و بعد ماتاخذ الخدمة اللي طالبها تلقى فيها انواع المشاكل تجي تكلمهم تلقى انواع الاستهبال و التطفيش و التطنيش الى اجل غير مسمى ..
طبعا نظام الدعم الفني عندهم مايرضون فيه الا عن طريق التذاكر من خلال موقعهم وحنا راضيين بس اهم شيء ان الخدمة تكون زينة مو اي كلام ..
اكن مثلا تجي ايام ولا اقدر ادخل للتحكم ولا اقدر اتحكم بموقعي واراسلهم وبعد يوم او يومين القى الرد هذا ..”ياخوي ارسل لنا موقعك اللي فيه مشكلة ”
مع اني كاتبلهم الموقع وكاتب كل تفاصيل المشكلة بالتذكرة .. فقلت شكله الموظف مانتبه وارسله الموقع مرة ثانية …
وانتظر الا بعد يومين او اكثر القى رد ثاني يقولون ..”وش مشكلة الموقع اذا تكرمت ؟”
يعني بالله الاخ هذا اللي جالس يرد عنده عمى جزئي أو الوان ! انا كاتب الموقع و المشكلة في التذكرة من 4 ايام ..أقول مايخالف شكله كان مستعجل ومانتبه وارد عليهم بالموقع و المشكلة للمرة الثاالثة ..
و بعد يوم او يومين القى رد منهم ” هل تبغانا نرفع بكب ؟”
..اردلهم .”.اوكي ارفعو باكب مايخالف ”
..وانتظر …
وبعد يومين أو يزيد .. “هل البكب المطلوب يومي او اسبوعي ا و شهري ؟؟؟ ”
وانا لادري وش يتكلمون عنه انا بس ابغى موقعي يشتغل مابغيت اعرف وش الطريقة اهم شيء انه يشتغل وهم يستهبلون ويرفعون ضغط الواحد
الين تنحل المشكلة بعد مفاوضات و بعد مرور وقت طويل ..بالله ليه شغل التطفبش و الاستهبال ..ياخوان اني مسوي اعلانات كلفتني كثير وطول المدة هذي والموقع مسكّر بسبة مماطلتهم اللي مالها اي داعي ..
صدقوني ياخواني طالما ان تفكير الشركات عندنا بالطريقة هذي مارح نوصل للقمر أبد ولا رح نتطور
شوفو الاجانب تلقى الشركات كبيرة ..بس على مستوى ..خدمة .. دعم فني .. اسلوب راقي ..خدمة ممتازة مو زي شركاتنا اسم كبير وماخفي كان اعظم
أبريل 25, 2008 في الساعة 2:12 ص
تسلم يا غالي على التنبيه …
بارك الله فيك …
وتحيتي ,,
http://www.mo7trefon.com/
أبريل 25, 2008 في الساعة 2:36 ص
الحمدلله ، لا أتعامل إلى مع مكتبة العبيكان …!!
.
أعان الله من يشتري من جرير ..!!
مايو 1, 2008 في الساعة 8:48 ص
على الاعلان حق مكتبة العبيكان ليس جرير
مايو 2, 2008 في الساعة 2:48 م
السلام عليكم
الرجاء التحقق من مصدر الإعلان قبل إتهام و تشويه سمعة مكتبة جرير
الإعلان كان لمكتبة العبيكان وليس لمكتبة جرير
مايو 2, 2008 في الساعة 11:48 م
الأخ احمد
والأخ صافي
الله يهديكم بس .. معقوله أنا ابكتب موضوع طويل عريض وانا ماني متأكد من اسم المكتبة.
مكتبة العبيكان فعلاً نزلت عرض قريب من هذا ، لكن الإعلان اللي انا اتكلم عنه كان لمكتبة جرير وهذا شيء انا متأكد منه. انا من عشاق متكبة جرير وعندي تخفيض فيها 15% ، لكن انتقدت جزئية واحدة وهي الإختلاف الواضح بين الإعلان وبين ما يعرض في المكتبة وهذا فقط للأجهزة الإلكترونية التي تبيعها المكتبة.
مايو 16, 2008 في الساعة 7:27 ص
اخوي كيف تبي وزارة التجارة تظبط التجار و اكثر التجار الكبار و اللي يرفعون السعر موظفين في الوزارة !!!